حبيتها ذلتني ـ ولما تركتها ضحكتلي
العنوان غريب شوية خصوصا للناس اللي يعرفوني . لأني مش بالسهولة أعترف بالحب والغرام
ولكني لما كنت بحبها كان الكل عارف وشايف تأثيرها عليّا وكانت روائحها ولمساتها باينة في كل مكان ليه أي صلة بيا , مثلا أثرها كان في كل مكان في البيت ..في العربية ...علي هدومي ...علي جسمي وكمان علي فلوسي
بمعني آخر إنها كانت مسيطرة عليا نهائياً لدرجة أنني ما كنتش أفكر إني في يوم من الأيام ها أخونها وأغدر بيها وأقطع صلتي بيها,,,,
لحد ما جه اليوم اللي زادت فيه من قسوتها وخباثتها وحاولت إنها تتخلص مني ....كانت عايزه تقتلني ...أرسلت أولادها وحلفائها لقتلي والقضاء عليا ...والسبب والوحيد إني كنت مخلص ليها أكتر من أي واحدة تانية
ولكن الله عز وجل لم يعطيها الفرصة لإكمال خطتها.. وبمساعدة الأحباب وبفضل الله فشلت خطتها ..وتم طردها من حياتي نهائياً
ولكنها زي عادتها حاولت الرجوع مرة تانية
تاره بالضغط علي أعصابي
ودايما أشوفها بتعرض نفسها في المحلات
وبشوف إعلاناتها في كل مكان
وصورها جميلة ومغرية بطريقة مش معقولة
ومرات كتيرة حاولت عن طريق المعارف والأصدقاء
ولكني والحمد لله أصريت علي موقفي وقاطعتها نهائياً
ويوم 21 أبريل 2010 بقالي بالتمام والكمال 10 سنين بعيد عنها
لأنها وبكل صراحة لا تستحق غير كده
وعلشان أثبت لكم كلامي ها أوريكم 3صور بس لأعمالها الإجرامية في جسمي وجسم كل ضحاياها
ولي رجاء : اللي قلبه ضعيف أنصحه بعدم رؤية الصور
أما الصورة الرابعة فمحدش ليه دعوة بيها لأنها بتعبر عن رأيي الشخصي
....................................................................
الصور دي طبعاً مش من تصويري علشان كده بأشكر أصحاب الصور وأطلب منهم السماح لأني نشرتها هنا لمحاولة خدمة الجميع
الصور دي طبعاً مش من تصويري علشان كده بأشكر أصحاب الصور وأطلب منهم السماح لأني نشرتها هنا لمحاولة خدمة الجميع
......................................................................
ودلوقتي عايز أعرفكم علي من كانت حبيبتي ومعشوقتي
إنها
ال...
ال..
السيجارة
لعنها الله
ودمتم بصحة وعافية
ولنجعل من السعادة عادة
إنها
ال...
ال..
السيجارة
لعنها الله
ودمتم بصحة وعافية
ولنجعل من السعادة عادة
